Ўзбекистон 2024 йил январь-август ойларида 14 та хорижий давлатларга қиймати қарийб 62,3 миллион долларга тенг бўлган 64,8 минг тонна ўрик экспорт қилган.
Ўрик экспорти қиймати ўтган йилнинг мос даври билан солиштирилганда 21,6 миллион долларга ошган.
2024 йилнинг 8 ойида Ўзбекистон энг кўп ўрик экспорт қилган давлатлар:
Россияга – 51,5 минг тонна;
Қозоғистонга – 8,1 минг тонна;
Қирғизистон Республикасига – 2,7 минг тонна;
Озарбайжонга – 1,5 минг тонна;
Беларусь Республикасига – 721 тонна, деб хабар беради Статистика агентлиги матбуот хизмати.
Ўзбекистоннинг ТДТ давлатлари билан 2023 йил экспорт-импорт юк ташиш ҳажми 15,5 миллион тоннани ташкил этган бўлиб, бу Ўзбекистоннинг умумий халқаро юк ташиш ҳажмидаги 24 фоиз улуши ҳисобланади.
Бугунги кунда ўзбек ишлаб чиқарувчилари томонидан ривожлантирилаётган асосий экспорт йўналишларидан бири бу Европа Иттифоқи мамлакатларидир. Ўзбекистон GSP+ умумий имтиёзлар тизими доирасида Европа мамлакатлари бозорларига имтиёзли кириш ҳуқуқига эга бўлган кам сонли давлатлардан бири бўлиб, 6000 турдаги товарларни Европа Иттифоқи мамлакатларига божсиз олиб кириш имконига эга.
Ўзбекистон Республикаси Президентининг “Рақамлаштириш соҳасида экспорт фаолияти билан шуғулланувчи корхоналарни қўллаб-қувватлашга доир қўшимча чора-тадбирлар тўғрисида”ги фармони (ПФ-157-сон, 14.10.2024 й.) қабул қилинди.
