Шу йилнинг 17 сентябрь куни футзал бўйича Жаҳон чемпионатининг 2-тур баҳсларига старт берилади.
Бугун Хосе Венансио Лопес бошқарувидаги футзал миллий жамоамиз Парагвай термасига қарши баҳс олиб боради. Учрашув соат 20:00да «Ҳумо Арена»да бошланади.
Мазкур баҳсда футзалчиларимиз тўлиқ оқ либосда, дарвозабонимиз эса сариқ либосда ҳаракат қилади.
Эслатиб ўтамиз, Парагвай 1-турда Коста-Рика терма жамоасидан 5:2 ҳисобида устун келганди. Ўзбекистон футзалчилари эса Нидерландия билан 3:3 дуранг ҳисобда баҳсни якунлаган эди.
ФИФА раҳбари Жанни Инфантино Саудия Арабистони 2034 йилги жаҳон чемпионатига мезбонлик қилишини эълон қилди. 2030 йилги мундиал эса бир вақтнинг ўзида олти мамлакат - Марокаш, Испания, Португалия, Аргентина, Уругвай ва Парагвайда ўтиши белгиланди.
Албаниянинг Тирана шаҳрида спорт курашлари бўйича U23 ёш тоифасида ўтаётган жаҳон чемпионатининг иккинчи кунида Ўзбекистон терма жамоаси аъзоси Алишер Ғаниев олтин медални қўлга киритди.
