Янги FIFA Pass тизими чипта эгаларига узоқ навбат кутиш зарур бўлган ҳолларда тезлаштирилган суҳбат вақтини танлаш имконини беради.
Давлат котиби Марко Рубионинг таъкидлашича, чиптага эга бўлиш автоматик тарзда АҚШ туристик визасини олишни англатмайди. Бироқ мундиал чипталарига эга фуқаролар ариза топширгандан сўнг 6–8 ҳафта ичида элчихонада суҳбатга чақирилиши мумкин.
«Чипта — виза эмас. Барча аризалар бир хил тартибда текширилади, фақат навбатда олдинга сурилади», — деди Рубио.
2026 йилги мундиал АҚШ, Канада ва Мексикада ўтказилади. ФИФА президенти Жанни Инфантинонинг айтишича, чемпионатни томоша қилиш учун АҚШга 10 миллионгача мухлис келиши мумкин.
Айрим мамлакатларда виза суҳбатига навбатлар анча узун. Масалан, Колумбияда — 11 ой, Мехикода — 9,5 ой, Торонто шаҳрида эса 14 ойгача чўзилмоқда.
АҚШ Сайёҳлик Ассоциацияси қарорни қўллаб-қувватлаб, уни «самарадорлик ва хавфсизликни оширадиган амалий қадам» дея баҳолади.
Шу билан бирга, АҚШга кириши чекланган 12 давлат фуқароларига янги қоида қўлланилиши ё қўлланилмаслиги ҳали аниқ эмас. Ушбу рўйхатда жаҳон чемпионатига бораётган Эрон ҳам бор.
Шунингдек, Европа мамлакатларининг аксарияти, Япония ва Австралия фуқаролари АҚШга визасиз 90 кунгача саёҳат қилиши мумкин.
