Испания компанияси раҳбари Хосе Луис Марсило бугунги кунда Ўзбекистон чарм-пойабзал ва мўйначилик саноати тез суръатда ривожланаётгани, мамлакатимизда тайёрланган маҳсулотлар ЕИ бозорига кириб улгурганини қайд этиб, юртимиз тадбиркорлари билан ҳамкорлик алоқаларини йўлга қўйиш ва тайёр чарм маҳсулотларини Испания бозорига олиб кириш бўйича ташаббусларини маълум қилди.
Уюшма раҳбарияти томонидан Испания компаниясига икки йўналишда ҳамкорлик таклифи билдирилди. Биринчи йўналиш тайёр чарм маҳсулотларини ишлаб чиқарувчи корхоналар билан экспорт-импорт амалиётларини амалга ошириш бўлса, иккинчи йўналиш Испания брендлари билан «Autsorsing» ва «Franchayzing» асосида мамлакатимизда тайёр чарм-пойабзал маҳсулотларини ишлаб чиқаришдир.
«XGE» компанияси мазкур икки йўналишда ҳам ҳамкорликка тайёр эканлигини маълум қилди. Ҳамкорликни бошлаш учун дастлаб маҳаллий корхоналар билан икки томонлама музокаралар ўтказиш бўйича таклифларини билдирди.
Тайёр чарм экспорти бўйича Испан компанияси «Peng Sheng», «Orient Tehnology», «Нафис Чарм», «Ҳамкор Нур Савдо» корхоналари маҳсулотлари ва ишлаб чиқариш жараёнлари билан яқиндан танишади. Намуналар Испания стандартларидан ўтганидан сўнг танлаб олинган корхонанинг тайёр чарм маҳсулотлари Испанияга экспорт қилинади, деб хабар беради «Ўзчармсаноат» уюшмаси матбуот хизмати.
