Ўзбекистон Жаҳон савдо ташкилоти (ЖСТ)га аъзо бўлиш бўйича 11-Ишчи гуруҳи йиғилиши доирасида муҳим ютуққа эришди.
Мамлакатимиз Канада ва Панама билан икки томонлама бозорларга кириш бўйича музокараларни муваффақиятли якунлаб, тегишли протоколларни имзолади.
Бу ҳақда Президентнинг ЖСТ бўйича махсус вакили Азизбек Урунов ўз LinkedIn’даги саҳифасида маълум қилди.
"Ўзбекистон томони Канада ва Панама делегацияларига Ўзбекистоннинг ЖСТга аъзо бўлиш жараёнида ва ўзаро икки томонлама музокараларда конструктив иштироки учун ўз миннатдорчилигини билдиради", — деб ёзади Азизбек Урунов.
Кеча Женевада Жаҳон савдо ташкилоти Бош директори Нгози Оконжо-Ивеала хоним билан учрашдик, деб ёзади Президент Администрацияси раҳбари Саида Мирзиёева ўзининг телеграм каналида.
Ўзбекистон Республикаси Олий Мажлиси Сенатида “Бозор ислоҳотлари ва Ўзбекистоннинг Жаҳон савдо ташкилотига аъзо бўлиш жараёнлари янада жадаллаштирилиши муносабати билан айрим қонун ҳужжатларига ўзгартириш ва қўшимчалар киритиш тўғрисида”ги қонун сенаторлар томонидан қизғин муҳокама қилиниб, бир овоздан қабул қилинди.
