21 сентябрь куни Ўзбекистон Республикаси Ташқи ишлар вазирлиги ҳузуридаги Дипломатик корпусга хизмат кўрсатиш бюроси Ўзбекистон футбол ассоциацияси кўмагида Олмазор туманидаги Республика олий спорт маҳорат мактабининг «Чиғатой» стадионида 18-халқаро мини-футбол турнирини бўлиб ўтди.

Турнирни ўтказишдан асосий мақсад Ўзбекистон Республикасида аккредитациядан ўтган дипломатик ваколатхоналар ва уларга тенглаштирилган ташкилотлар ўртасида дўстона муносабатларни ҳамда спорт дипломатиясини ривожлантириш, дипломатик ваколатхоналар ва уларга тенглаштирилган ташкилотлар ходимларининг бўш вақтларини мазмунли ва мароқли ўтишини таъминлаш, уларнинг норасмий, дўстона мулоқот қилишлари учун шароит яратишдан иборат.

Ушбу тадбир дипломатик ваколатхоналарнинг спортга бўлган қизиқишларини янада ошириб, мамлакатлар ўртасида аҳил муносабатларни

мустаҳкамлашга хизмат қилади. Мини-футбол турнирида элчилар, дипломатлар, элчихоналар ва халқаро ташкилотлар, компаниялар, шунингдек, Ташқи ишлар вазирлиги ходимларидан иборат 24 та жамоа иштирок этди.

Шунингдек, дипломатик ваколатхоналар ходимлари оила аъзолари учун алоҳида бадминтон, арқон тортиш ва эстафета каби мусобақалар ташкил этилди.