Учрашувда ўзбекистонлик қишлоқ хўжалиги мутахассислари, фермерлари ва тадқиқотчиларининг Аргентинага ташрифларини ташкил этиш ҳамда аргентиналик экспертларни Ўзбекистонга таклиф қилиш орқали тажриба алмашинувини йўлга қўйиш ишлари ва рақамли платформалар орқали мунтазам ўқув сессиялари, вебинарлар ва виртуал семинарлар ташкил этиш масалалари муҳокама қилинди.

Савдо ва инвестицион ҳамкорлик доирасида Ўзбекистоннинг қуритилган мевалари, жумладан, майиз ва қуритилган олхўри экспортини йўлга қўйиш, шунингдек, Аргентинадан юқори ҳосилдор мевали дарахт кўчатларини олиб келиш бўйича келишувга эришилди.

Учрашув якунида ушбу ташаббусларни ўз ичига олган озиқ-овқат ва қишлоқ хўжалиги соҳасида ҳамкорлик тўғрисидаги меморандумни ишлаб чиқиш ва имзолаш бўйича келишувга эришилди.