Инновацион ривожланиш вазирлиги ҳамда "Яшнобод" инновацион технопарки томонидан Ўзбекистон Республикасининг Германиядаги элчихонаси кўмагида Берлин Инновацион агентлиги эксперти билан онлайн учрашув ўтказилди.

Унда германиялик эксперт Ўзбекистондаги мавжуд технопарклар ўртасида халқаро ҳамкорликни йўлга қўйиш, халқаро алоқаларни ривожлантириш масалалари ҳақида ўз фикрларини айтиб ўтди.

Учрашувда Ўзбекистон–Германия давлатлари ўртасида инновацион инфратузилмалар, хусусан технопарклар, илмий парклар соҳасида халқаро ҳамкорликни ривожлантириш ҳамда қўшма дастурлар, истиқболли стартап лойиҳаларни биргаликда амалга ошириш масалалари муҳокама қилинди.