Бу кўрсаткич бўйича Ўзбекистонга Марказий Осиё минтақасида 1-ўринни, жаҳон рейтингида эса 45-ўринни эгаллади.
Маълумот учун, Ўзбекистоннинг табиат, туризм, маданият, санъат, спорт, иқтисодиёт, саноат ва бошқа соҳаларига оид мақолаларни тўлдириш бўйича ишлар республиканинг барча вазирлик ва идоралари билан ҳамкорликда 2017 йилдан бошлаб амалга оширилмоқда. Бу Ўзбекистон Республикаси Президенти Шавкат Мирзиёев раҳнамолигида мамлакат ҳукумати томонидан тасдиқланган «Интернет тармоғида миллий контентни янада ривожлантириш бўйича комплекс дастур»да кўзда тутилган.
«Википедиа»га Ўзбекистондаги табиат объектлари, туристик диққатга сазовор жойлар, амалга оширилаётган ислоҳотлар, тадбирлар, танловлар, фестиваллар ҳақидаги маълумотлар ва бошқа янгиликлар юкланди.
Республикамиздаги вазирлик ва идоралар ҳамда илмий-тадқиқот марказлари мутахассислари томонидан мамлакатимиз ҳақидаги мақолалар яратиш учун қизиқарли матнлар ва фотоматериаллар тайёрланди. Википедияга маълумотларни жойлаш учун мамлакатимиз олий ўқув юртлари фаоллари ва талабалари орасидан кўнгиллилар жалб қилинди.
Таъкидлаш жоизки, мазкур рейтингларда эришилган юқори ўринлар Ўзбекистоннинг халқаро майдондаги обрў-эътиборини мустаҳкамлаш, жаҳон ҳамжамиятининг эътиборини мамлакатимизга қаратишга хизмат қилади.
