Бу ҳақда Статистика агентлиги маълумот берди.

Статистика агентлиги маълумотларига кўрa, 2024 йилнинг январь-август ойларида жами 97,4 минг нафар чет эл фуқаролари тижорат мақсадида Ўзбекистонга ташриф буюрган.

Бу кўрсаткич ўтган йилнинг мос даври билан солиштирилганда 60,7 минг нафарга ёки 2,7 баробарга ошган.

Жорий йилнинг январь-август ойларида Ўзбекистонга тижорат мақсадида келган чет эл фуқаролари мамлакатлар бўйича қуйидагича:

Туркманистон — 60 289 нафар, Тожикистон — 29 168 нафар, Афғонистон — 2 125 нафар, Хитой — 950 нафар, Туркия — 822 нафар, Ҳиндистон — 740 нафар, Қирғиз Республикаси — 589 нафар, Жанубий Корея — 507 нафар, АҚШ — 320 нафар, Россия — 286 нафар бошқа давлатлардан эса — 1 634 нафар чет эл фуқаролари тижорат мақсадида Ўзбекистонга келган.