Унга кўра, Ташқи ишлар вазирлиги 3 ой муддатда АҚШ фуқаролари учун Ўзбекистонга 30 кунга визасиз кириш режимини жорий қилиш ҳамда Ўзбекистон фуқароларига АҚШга кириш учун виза талабларини енгиллаштириш юзасидан музокаралар олиб боради.
Шунингдек, Россия Федерацияси, Қозоғистон ва Озарбайжон фуқаролари учун Ўзбекистон ҳудудига ички ҳужжат ёки ID-карта, шу жумладан, 16 ёшга тўлмаган фуқароларга «киндер паспорт» билан 30 кунгача кириш режими жорий қилинади.
Бундан ташқари, 2025 йил 1 июндан бошлаб Ўзбекистон ва Хитой ўртасида ўзаро визасиз режим ҳам жорий этилади. Бу келишув икки давлат фуқароларига 30 кунгача визасиз саёҳат қилишга имкон яратади.
Эслатиб ўтамиз, ўзбекистонликлар "Green card" лотереясида ютиш орқали Қўшма Штатларда яшаш ҳуқуқини қўлга киритиш бўйича дунёда етакчи учликка кирганди.
