Аввал хабар берганимиздек, Сервер Ибрагимов Франциянинг Шатору шаҳрида ўтказилган пара ўқ отиш бўйича Жаҳон кубогида муваффақиятли иштирок этиб, Париж-2024 ёзги Паралимпия ўйинларига лицензияни қўлга киритди.

Бугун, 14 июнь куни Ислом Каримов номидаги Тошкент халқаро аэропортида мусобақада иштирок этган спортчиларимиз кутиб олинди.

Кутиб олиш маросимида Спортни ривожлантириш вазири ўринбосари Ш.Маҳмудов, Ўзбекистон Миллий паралимпия қўмитаси раиси ўринбосари О.Эргашев, оммавий ахборот воситалари ҳамда кенг жамоатчилик вакиллари иштирок этди, дейилади Спортни ривожлантириш вазирлиги хабарида.