Бу ҳақда Давлат божхона қўмитаси хабар берди.
Қайд этилишича, “Тошкент-Сеул” рейси бўйича парвозини якунлаган йўловчилардан бирининг қўл ва йўл юклари белгиланган тартибда кўздан кечирилганда, юклар орасидаги косметика воситалари қутилари ҳамда сумка астарларига 3 хил русумдаги 99 дона муқаддам фойдаланилган смартфонлар яширилганлиги аниқланди.
Дастлабки ҳисоб-китобларга кўра, уларнинг умумий қиймати салкам 207 млн сўмни ташкил қилмоқда.
Маълумот ўрнида, жорий йилнинг 9 ойи мобайнида “Тошкент-АЭРО” ИБК томонидан 286 та ҳолатда жами 17,3 млрд сўмлик уяли алоқа воситалари ҳамда электрон қурилмаларнинг ноқонуний олиб ўтилиши тўхтатиб қолинган, — дейилади хабарда.
