Жисмоний шахслар 2022 йил 1 январдан кўчмас мулкни ижарага бериш ёки текин фойдаланиш шартномаларини “E-ijara” хизмати орқали солиқ органларида рўйхатдан ўтказиши шарт. Бу ҳақда Давлат солиқ қўмитаси ахборот хизмати маълум қилди.
Хабар берилишича, 2022 йил 1 октябрь ҳолатига солиқ органларида 96 мингдан ортиқ турар жой ижара шартномаси рўйхатга олинган.
Мавжуд маълумотлар таҳлилига кўра, Тошкент шаҳрида уй-жой ижараси ўртача ойлик 1 миллион сўмдан кўпроқни ташкил қилади.
Ҳудудларда ижара ҳақининг ўртача миқдори 630 минг сўмдан 977 минг сўмгача.
Республикада ижарага берилган турар-жой объектлари:
- 2 млн сўмдан 5 млн сўмгача – 3 240 та;
- 5 млн сўмдан ортиқ – 255 та.
Солиқ солиш мақсадида 2022 йилда кўчмас мулкни ижарага берувчи жисмоний шахслар учун 1 кв. метр яшаш майдони:
- Тошкент шаҳрида – 15 500 сўм;
- Нукус ва вилоят марказларида – 9 500 сўм;
- бошқа аҳоли пунктларида – 4 000 сўм этиб белгиланган.
Мол-мулкни ижарага беришдан олинган даромадлар мулкий даромадлар таркибига киради ва 12% ставкада жисмоний шахслардан олинадиган даромад солиғига тортилади.
Турар-жойларни талабаларга ижарага берган фуқаролар ушбу даромади учун жисмоний шахслардан олинадиган даромад солиғи тўламайди.
