Январь-июнь ойларида эса истеъмолчилар хонадонига 72 167 та ҳисоблагич ўрнатилган.
“Бу жараён барча туманларда изчил давом эттирилмоқда. Ўрнатилган ҳисоблагичларнинг 85 фоизи ҳовли-жойлар ҳиссасига тўғри келади. Шунингдек, бугунги кунга қадар ўрнатилган “ақлли” газ ҳисоблагичларнинг ҳар бири табиий газ назорати ва ҳисобини юритишнинг автоматлаштирилган тизимига уланган. “Ақлли” газ ҳисоблагичлар истеъмолчилар манфаатига хизмат қилиши табиийдир.
Соҳани рақамлаштириш ва унга энг илғор технологияларни жорий этилишига қарамасдан, газ ҳисоблаш ускуналаридан фойдаланиш талабларини бузиш ва истеъмолчилар томонидан уларнинг ишлашига ташқи таъсир кўрсатиш ҳолатлари ҳам кузатилмоқда,” дейилади “Ҳудудгаз Пойтахт” газ таъминоти филиали матбуот хизмати хабарида.
