Музаффар Аҳмаджонов 1993 йилда Наманган шаҳрида туғилган. Маълумоти олий. У меҳнат фаолиятини 2016 йилда Наманган шаҳар ҳокимлиги ҳузуридаги «Кичик саноат зоналарини бошқариш ягона дирекцияси» бош мутахассислигидан бошлаган.
Музаффар Аҳмаджонов тайинловга қадар Наманган шаҳрининг «Даштбоғ» маҳалла фуқаролар йиғини раиси сифатида намунали ишлаб келаётган эди. Бу маҳаллага Президент Шавкат Мирзиёев 2021 йилда ташриф буюрган, эътироф этган ва республикадаги энг ёш маҳалла раисини «Келажак бунёдкори» медали билан тақдирлаган эди.
