Ўзбекистон Республикаси Президенти Шавкат Мирзиёев 12 декабрь куни Ашхобод шаҳридаги Бетарафлик монументи пойига гул қўйиш маросимида иштирок этди.
Туркманистоннинг инсонпарварлик ғоялари, тинчлик, бунёдкорлик ва эзгулик тамойилларига содиқлигини ифодаловчи Бетарафлик ва «Бетарафликнинг 30 йиллиги» ёдгорликларини ўз ичига олган мажмуа ҳамда унга туташ ландшафтли боғ Туркманистон доимий бетарафлигининг 30 йиллиги ва Халқаро тинчлик ҳамда ишонч йилини нишонлашга тайёргарлик доирасида қайта қурилди ва тантанали равишда очилди.
Президентимиз бошқа хорижий делегациялар раҳбарлари билан бирга монумент пойига гул қўйди.
Ўзбекистон Республикаси Президенти Шавкат Мирзиёев 11 декабрь куни Ашхобод шаҳрига келгач, Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов билан учрашув ўтказди.
Президент Шавкат Мирзиёев 10 декабрь куни коррупцияга қарши курашиш, комплаенс назоратини такомиллаштириш ва рақамлаштириш бўйича амалга оширилаётган ишлар ҳамда келгусидаги режалар тақдимоти билан танишди.
Халқ депутатлари Сирдарё вилояти Кенгашининг навбатдан ташқари сессияси бўлиб ўтди. Унда Президент Шавкат Мирзиёев иштирок этди. Шу билан давлатимиз раҳбарининг ҳудудга ташрифи якунланди, Президентимиз Тошкентга қайтиб келди.
Сирдарёда уй-жойга талабни қондириш учун йил якунигача 3 минг 100 та хонадонга эга кўп қаватли уйларни фойдаланишга топшириш, 2026 йилда яна 3,5 минг квартирали 80 та уй-жой барпо этиш мақсад қилиб олинди.
