Россия ва АҚШ Президентлари Владимир Путин ва Дональд Трамп Украинадаги можаро тугаганидан кейин келгуси ҳамкорликни муҳокама қилишди. Бу Америка етакчисининг асосий фикрларидан бири эди, деди Россия Президенти ёрдамчиси Юрий Ушаков. Бу ҳақда РИА Новости хабар берди.
“Америка Президентининг асосий фикрларидан бири Украинадаги можарога чек қўйиш АҚШ ва Россия ўртасидаги иқтисодий ҳамкорликни ривожлантириш учун улкан истиқболларни очиш ҳақида эди”, дея маълум қилди Кремль.
Трамп 16 октябрь куни Путин билан икки соатлик суҳбат ўтказди. У мулоқот давомида “катта силжиш”га эришилганини айтди. Оқ уй раҳбари россиялик ҳамкасби билан Будапештга режалаштирилган бўлажак учрашув ҳақида ҳам гапирди. У, шунингдек, Украина Президенти Владимир Зеленский билан суҳбатни муҳокама қилишга ваъда берди, деб хабар берди lenta.ru.
