Туманнинг Дашт қишлоғида яшовчи И.Х. бошқарувида бўлган “NASAF AL ZEBONA TRANS” МЧЖга тегишли бўлган сариқ рангли, “Нексия-1” русумли автомашинасини сиқилган табиий газ олиш учун қўйиб, ўзи ва ўғли Б.Э. билан автомашинадан тушган.
Шундан сўнг, сиқилган табиий газни транспорт воситасига тўлдиргач, тўловни амалга ошириш учун МЧЖнинг операторини олдига келган.
Транспорт воситасига сиқилган газ қуйиб бўлинганидан сўнг, газ қуйиш шохобчасида ишловчи С.Ш. сиқилган газ шлангини транспорт воситасидан ажратиб олган вақтда фуқаро Э.Б. транспорт воситасини орқа томонига ўтиб, автомашина орқа юкхонасини ёпган ва кучли портлаш содир бўлган.
Натижада Э.Б. ҳодиса содир бўлган жойда вафот этган ва газ қуйиш шохобчаси газ тўлдирувчиси С.Ш. оғир тан жароҳати олиб, шифохонага ётқизилган.
«Ҳурматли фуқаролар юқоридаги кўнгилсиз ҳолатларни олдини олиш учун автотранспорт воситаларини техник созлигини доимий равишда назорат қилинг. Бу соғлигингиз ва мулкингиз хавфсизлиги кафолатидир»,- дейилади Қашқадарё вилоят ИИБ хабарида.