Қашқадарё вилояти Китоб туманида яшовчи Жасур Мақаев ва Дилфуза Баҳриддинова аввалдан 5 нафар қиз фарзандни тарбиялаб келаётган эди. Яқинда бу оила яна тўрт қизалоқ билан тўлди — натижада хонадон 9 қизли бўлди.

Эгизаклар Республика ихтисослаштирилган она ва бола саломатлиги илмий-амалий тиббиёт марказининг Қашқадарё филиалида кесарча кесиш йўли билан дунёга келган.

Қизалоқлар маълумотлари қуйидагича:

• Биринчиси — 1 400 грамм, 37 см
• Иккинчиси — 1 450 грамм, 38 см
• Учинчиси — 1 600 грамм, 40 см
• Тўртинчиси — 1 400 грамм, 37 см

Айни пайтда чақалоқлар филиалда халқаро тиббий протоколлар асосида парваришланмоқда. Шифокорлар уларнинг аҳволи барқарорлигини маълум қилган.