Маълумотларга кўра, Ҳисорак қишлоғидан Сарчашма қишлоғигача бўлган йўлнинг 11,4 км қисми ҳам 2 тасмали қилиб қурилади.

Бундан ташқари, Сарчашма ва Ғелонни боғловчи дор йўли ҳам қурилади.

1-босқичда 5,9 км гондолали дор йўли (Ғелон-Сарчашма), 4 та тоғ-чанғи йўли, 35 та вилла, 1 та ташриф маркази, 4 юлдузли меҳмонхона, 5 қаватли автотураргоҳ, ресторан, вертолёт майдончаси, болалар шаҳарчаси ва дарё бўйлаб йўлакчалар барпо этилади ва бунга 100 млн. доллар инвестиция маблағи жалб қилинади.

Лойиҳанинг 2 ва 3-босқичларига 200 млн. доллар инвестиция маблағи эвазига 3,8 км ўриндиқли ва 2,9 км гондолали дор йўли, 21 та тоғ-чанғи йўли, 3 та меҳмонхона (3, 4 ва 5 юлдузли), 2 та ресторан, 75 та вилла, кузатув минораси, аттракционлар (зиплайн, родельбан ва скайпарк) барпо этилади. 4000 дан ортиқ иш ўрни яратилади.