Қишлоқ хўжалиги маҳсулотларини реэкспорт қилиш “OneRoad Group” компанияси ёрдамида амалга оширилади

Учрашув аввалида Ўзбекистонда инвестиция муҳитини яхшилаш, солиқ юкини камайтириш, божхона тўловларини енгиллаштириш ва инвесторлар ҳуқуқларини қонунчилик билан ҳимоя қилиш бўйича ислоҳотлар, 2030 йилга қадар давлат-хусусий шериклик асосида амалга ошириладиган лойиҳалар дастури тўғрисида тақдимот ўтказилди.

“OneRoad Group” компанияси вакилига Самарқанд шаҳрида жамоат транспортини ривожлантириш лойиҳаларида иштирок этиш ва қишлоқ хўжалиги тармоғида ҳамкорлик қилиш бўйича таклифлар билдирилди.

Амирликлар томони ўз навбатида, Ўзбекистон иқтисодиётида амалга оширилаётган ўзгариш ва кенг кўламли ислоҳотларни кузатиб бораётганини ҳамда мамлакатимиз бозорида истиқболли инвестиция лойиҳаларини амалга оширишга қизиқиш мавжудлигини таъкидлади.

Хусусан, Чэньлинг Жанг Ўзбекистонда етиштирилган қишлоқ хўжалиги маҳсулотларини импорт қилиб, уларни қайта ишлаган ҳолда реэкспорт қилиш мумкинлиги маълум қилди.

Томонлар ушбу йўналишдаги ишларни бошлаш мақсадида мазкур компания ва Ўзбекистон Экспортчилар уюшмаси вакиллари ўртасида алоҳида учрашув ташкил этиш тўғрисида келишиб олдилар.

Музокаралар якунида “OneRoad Group” компанияси бош ижрочи директорига юртимиз имкониятлари тўғрисида батафсил маълумотларга эга бўлиш ва ҳамкорлик истиқболларини муҳокама қилиш мақсадида жорий йил 13-16 октябрь кунлари Тошкентда ўтказилиши режалаштирилган “Ўзбекистон – БАА” бизнес-форумида иштирок этиш таклифи билдирилди, деб хабар беради “Дунё” АА.

Ўзбекистоннинг ТДТ мамлакатлари билан товар айланмаси 9,4 млрд долларга етди

Ўзбекистоннинг ТДТ давлатлари билан 2023 йил экспорт-импорт юк ташиш ҳажми 15,5 миллион тоннани ташкил этган бўлиб, бу Ўзбекистоннинг умумий халқаро юк ташиш ҳажмидаги 24 фоиз улуши ҳисобланади.

Фарғонада кунига ўртача 150 тонна хурмо экспорт қилинмоқда

Умумий қиймати 8,5 млн долларга тенг бўлган 1768 партиядаги 13126 тонна хурмо маҳсулотлари Россия, Украина, Беларусь, Тожикистон, Қирғиз ва Қозоғистон каби давлатларга экспорт қилинди.

3 та корхона ишга туширилиб, 12 тасининг қурилиши бошланди

Давлатимиз раҳбарининг Навоий вилоятига ташрифининг иккинчи куни хайрли воқеа билан бошланди. Жамоатчилик вакиллари иштирокида янги лойиҳаларга бағишланган маросим бўлиб ўтди.

ИССВ ўзбек экспортёрларини Европа Иттифоқи бозорларига олиб чиқяпти

Бугунги кунда ўзбек ишлаб чиқарувчилари томонидан ривожлантирилаётган асосий экспорт йўналишларидан бири бу Европа Иттифоқи мамлакатларидир. Ўзбекистон GSP+ умумий имтиёзлар тизими доирасида Европа мамлакатлари бозорларига имтиёзли кириш ҳуқуқига эга бўлган кам сонли давлатлардан бири бўлиб, 6000 турдаги товарларни Европа Иттифоқи мамлакатларига божсиз олиб кириш имконига эга.

Рақамлаштириш соҳасидаги экспортчи корхоналар қўллаб-қувватланади

Ўзбекистон Республикаси Президентининг “Рақамлаштириш соҳасида экспорт фаолияти билан шуғулланувчи корхоналарни қўллаб-қувватлашга доир қўшимча чора-тадбирлар тўғрисида”ги фармони (ПФ-157-сон, 14.10.2024 й.) қабул қилинди.

Ўзбекистонда заъфарон қуритиш ва қайта ишлаш корхонаси очилади

Эртага Жиззах вилоятининг Бахмал туманида жойлашган заъфарон плантацияларини кенгайтириш, қуритиш ва қайта ишлаш лойиҳасининг тантанали очилиш маросими ўтказилади.