Қишлоқ хўжалигига инвестициялар жалб қилиш масаласига тўхталиб ўтилди.
Жорий йилда мавжуд лойиҳалар ҳисобидан 655 миллион доллар хорижий инвестицияни ўзлаштириш вазифаси қўйилди.
Шунингдек, тўғридан-тўғри инвестиция иштирокида 500 миллион долларлик янги лойиҳаларни бошлаш муҳимлиги таъкидланди.
Бунда, Қишлоқ хўжалигини ривожлантириш халқаро жамғармаси ваколатхонасини Ўзбекистонда очиш зарурлиги қайд этилди.
Президент кейинги йилда “Яшил макон” дастури учун 100 миллиард сўм ажратилишини эълон қилди. Эндиликда дарахтларни 3 йил парваришлаш, касалликдан сақлаш, суғориш харажатлари ҳам инвестиция дастурига киритилади.
Кун тартибидаги асосий масалаларга ўтишдан аввал давлатимиз раҳбари йиғилганларни, бутун халқимизни бугунги улуғ байрам – ўзбек тилига давлат тили мақоми берилганига 35 йил тўлган сана билан самимий табриклади.
