Мазкур пленер Вазирлар Маҳкамасининг 6-сон баёнидаги бандлар, яъни «Aral-dream» пленер лойиҳаси ижросини таъминлаш мақсадида ташкил этилди.
Туризм ва маданий мерос вазирлиги томонидан уюштирилган ушбу лойиҳада таниқли рассомлар: Василий Хапов, Сарсенбой Бойбусинов, Абдулла Ражабов, Собир Кутлимуродов, Саидбек Сабирбаев, Икрам Матчанов ва Ширин Ташовалар иштирок этяпти, деб хабар беради вазирлик матбуот хизмати.
Эслатиб ўтамиз, Туризм ва маданий мерос вазирлиги томонидан Самарқандда ШҲТ саммитида Самарқанд руҳини акс эттириш мақсадида пленер ташкил этилганди. Унда ШҲТга аъзо давлатлар рассомлари иштирок этган.
