Шу вақтда Тошкент шаҳрида ва республика бўйича рақамли теледастурларни тарқатиш вақтинча тўхтатилади. Бунда Ўзбекистон миллий телерадиокомпаниясининг теледастурларини тарқатиш тўхтатилмайди, лекин айрим сифат пасайиши ҳолатлари кузатилиши мумкин.
Маҳаллий, нодавлат ва «Uzdigital TV» МЧЖнинг тижорат телеканалларини узатадиган рақамли телеузатгичларда жадвал асосида профилактика ишлари ўтказилиши режалаштирилган.
Шуни таъкидлаш жоизки, Ўзбекистон Республикаси аҳолисига телевидение дастурларини узлуксиз ва сифатли тарқатилишини таъминлаш мақсадида «Радиоалоқа, радиоэшиттиришлар ва телевидение маркази» ДУКнинг техник воситаларини йиллик режаларда белгиланган муддатларда ўчириб, профилактика ишлари амалга оширилади.
Тўхталишлар кузатилган вақтда абонент ускунаси (тюнер ва телевизор) созламаларини ўзгартириш тавсия этилмайди, деб огоҳлантиради Ахборот технологиялари ва коммуникацияларини ривожлантириш вазирлиги матбуот хизмати.