Индонезиянинг Бали шаҳрида ўтказилаётган қиличбозлик бўйича Осиё чемпионатида Ўзбекистон терма жамоаси навбатдаги медалга эга чиқди.
Қайд этилишича, сабля бўйича бўйича аёллар терма жамоамиз бронза медалини қўлга киритишди.
Саралашда Хитой Таипейи, Гонконг жамоаларини мағлуб этган қизларимиз ярим финалда Жанубий Кореяга 42:45 ҳисобида имкониятни бой беришди. Учинчи ўрин учун баҳсда эса хитойлик рақибаларидан 45:43 ҳисобида устун келдилар.
Туркиянинг Истанбул шаҳрида қиличбозликнинг сабля йўналиши бўйича Satellite таснифидаги мусобақа ўтказилди. Унда иштирок этган Ўзбекистон терма жамоаси аъзоларидан Муса Аймуратов бронза медали билан тақдирланди.
Хитойнинг Уси шаҳрида қиличбозлик бўйича ўсмирлар ва ёшлар ўртасидаги жаҳон чемпионатининг жамоавий дастурида иштирок этган саблячи ёшларимиз қизлар ва йигитлар ўртасидаги дастурларда бронза медалларига сазовор бўлди.
