Ҳолат бўйича Самарқанд вилоят ФВБ ахборот хизмати маълумот берди.
Шу йилнинг 1 октябрь куни тунги соат 23:45 да Самарқанд шаҳар Лолазор кўчасида жойлашган Самарқанд Давлат Архитектура-қурилиш институти ҳудудида янгидан қурилаётган (қурилиши тугалланмаган) фаоллар залида ёнғин содир бўлганлиги тўғрисида вилоят ФВБ га хабар келиб тушди.
Хабарга асосан, воқеа жойига 6 та ёнғин қутқарув экипажи жалб қилиниб, ёнғин соат 00:30 да ёнғин тўлиқ бартараф этилган.
Ёнғин натижасида эски қурилиш маҳсулотлари ёниб зарарланган.
Ҳодиса оқибатида жабрланган ва ҳалок бўлганлар йўқ.
Ҳозирда терговга қадар текшириш ишлари олиб борилиб, ёнғиннинг келиб чиқиш сабаби аниқланмоқда.