Вилоятдаги 16 та шаҳар/туман ҳокимлари ўз ҳудудидаги 5 нафар ёшлар билан битта жамоа тузиб “Заковат” турнирида қатнашди.
Ҳокимлар ёшлар билан бирга қизиқарли мантиқий саволларга жавоб излаб, селектору мажлислардан бироз чалғишди.
Қизғин ва муросасиз “жанглар”дан сўнг Нарпай тумани чемпион бўлди. Энг қизиғи, Нарпай ҳокимининг ўзи ҳам ҳали 30 ёшга тўлмаган экан!
Турнирда 2-ўринни Самарқанд шаҳри, 3-ўринни Каттақўрғон тумани эгаллади.
Сўнгги пайтларда “Заковат” ўйини ва ўзи умуман Билим трендга чиқишни бошлагани, лавозимидан, ёшидан, жинсидан қатъи назар илм йўлида кўпчилик жипслашиб, интеллектуал тадбирларга эътибор бераётгани бизни қувонтирмоқда, албатта. Буни бир неча йиллардан буён орзу қилар эдик, рости.
