Хусусан, июль ойида саёҳатлар ўтган йилги июль ойи кўрсаткичларига нисбатан 81 фоизга камайган, августда эса — 79 фоизга, деб хабар беради «ПРАЙМ». Январь ойидан август ойига қадар саёҳатлар сони 700 миллионга кам қайд этилган. Иқтисодий зарар эса 730 миллиард долларни ташкил этган. Бу эса 2009 йилдаги инқирозга нисбатан саккиз баробар кўп демак.
Ташкилот раҳбари Зураб Пололикашвили «Бундай кескин пасайиш фожиали ижтимоий-иқтисодий оқибатларга олиб келиши, ҳамда миллионлаб иш ўринлари ва компанияларни йўқ бўлиб кетиш хавфи остида қолдириши мумкин. Бу сайёҳлик тизимини хавфсиз, ўз вақтида ва мувофиқлаштирган ҳолда қайта тиклаш зарурати ҳақида гувоҳлик беради», —деб таъкидлаган.
