Президент ҳузуридаги Давлат хизматини ривожлантириш агентлиги ташаббуси билан қатор ташкилотлар ҳамкорлигида ташкил этилган қабулда 100 нафарга яқин давлат хизматчилари иштирок этдилар. Сайёр қабул вилоят ҳокимлиги кўмагида ташкил этилди.
Мурожаатларнинг аксар қисмини давлат фуқаролик хизматига кириш, меҳнат қонунчилигига оид ҳуқуқий маслаҳат, давлат фуқаролик хизматчиларининг ҳуқуқларини ҳимоя қилиш ва улар учун шарт-шароит яратиш йўналишларига оид масалалар ташкил қилди.
13 та мурожаат қабул чоғида ижобий ечимини топди, 21 таси бўйича ҳуқуқий тушунтириш берилди. Қўшимча ўрганишни талаб қиладиган мурожаатларнинг ечимини таъминлаш бўйича ўрганиш ишлари олиб борилади.
