Сергели марказий хиёбонида туман ёшлари учун сайёр қабул ташкил этилди. Тошкент шаҳридаги ва туман секторлари раҳбарлари, шунингдек, қатор ташкилот ва идоралар мутасаддилари томонидан 100 дан ортиқ йигит-қизларнинг турли йўналишлардаги мурожаатлари кўриб чиқилди.
Қабулда ёшлар қўшимча касб-ҳунарга ўқиш, шартнома пулини тўлаш, тадбиркорликни бошлаш ва кредит олишда ёрдам олиш, саломатлигини тиклаш ва дори-дармонларда кўмак, ишга жойлашиш, уй-жойини таъмирлаб бериш ва коммунал соҳадаги муаммоларини ҳал этиш каби қатор масалаларда мурожаат қилди.
Тадбир давомида ёшлар сўровига кўра, тор мутахассислар иштирокида тиббий кўрик ҳам ташкил этилди, деб хабар беради Тошкент шаҳар ҳокимлиги матбуот хизмати.
Баъзан кичик нарсалар катта йўлларни тўсиб қўяди. Гоҳида арзимас туюлган ҳодиса инсон тақдирини ўзгартириб юбориши мумкин. Жамиятдаги эътиборсиз айрим ҳолатлар эса йиллар ўтиши билан қайғули кўриниш олиши ҳам бор гап. Хуллас, ҳеч бир қисмат сабабсиз ва асоссиз бўлмайди.
Мамлакатимизда мавжуд муаммоларни ҳал этиш, маънавий-маърифий ишлар самараси ва таъсирчанлигини ошириш, кўлами ва миқёсини янада кенгайтириш, аҳоли, аввало, ёшлар қалбида ислоҳотларга дахлдорлик ҳиссини кучайтириш, соҳадаги ишларни мувофиқлаштириш тизимини яратиш мақсадида катта қадамлар қўйилди.
