Турар-жой ва тижорат мақсадларида фойдаланилган уй Фритауннинг шарқида жойлашган. Табиий офатларга қарши кураш миллий агентлиги маълумотларига кўра, ҳозиргача вайроналар остидан олти киши омон қолди. Ҳодиса оқибатида уч нафар катта ёшли эркак ва икки нафар аёл, беш ёшгача бўлган икки нафар қиз ва бир ўғил бола ҳаётдан кўз юмди.

Воқеа жойида иккита кран ёрдамида қутқарув операцияси олиб борилмоқда. Гувоҳларнинг сўзларига кўра, бинода ўнлаб одамлар яшаган. Бинонинг қулаш сабаблари ҳозирча эълон қилинмади, тергов бошланди, деб хабар беради mir24.tv.