Мусобақада мезбонлардан ташқари, Ўзбекистон, Қозоғистон, Шри-Ланка, Ўмон, Бангладеш, Ҳиндистон, ФИДЕ байроғи остидаги Россия, Тожикистон ҳамда Туркманистондан жами 300 нафарга яқин бир нечта ёш тоифасидаги шахматчилар ғолиблик йўлида дона суряпти.

Чемпионатда рапид йўналиши бўйича баҳслар якунига етди. Унда 4 та олтин, 4 та кумуш, 2 та бронза медалини қўлга киритган Ўзбекистон терма жамоаси умумжамоа ҳисобида иккинчи ўринни эгаллади.

Иштирокчилари сони биздан кўп бўлган Қозоғистон терма жамоаси 7 та олтин, 3 та кумуш, 8 та бронза медали билан умумжамоа ҳисобида биринчи ўринни банд этди. Кучли учликка 1 та олтин, 2 та кумуш, 1 та бронза медали билан FIDE байроғи остида қатнашаётган Россия терма жамоаси якун ясаб берди.

Ҳиндистон, Шри-Ланка, Қирғиз Республикаси ва Бангладеш терма жамоалари ҳам камида биттадан медалга эга чиқишди.

Кечадан иштирокчилар классик шахмат бўйича баҳсларга киришди. Кейин эса блиц мусобақасига навбат берилади.