«Бу қўл меҳнати, бу белкурак, супурги, лом. Ҳамма москваликлар ҳам бундай меҳнатга тайёр эмас. Лекин бу муаммони аста-секин ҳал этамиз. Техника кучи етарли. Бошқа ҳудудлардан одамларни жалб этамиз», — деб тушунтирди Собянин «Россия 1» канали эфирида.
Чегараларнинг ёпиқлиги туфайли келиб чиққан мигрантлар етишмовчилиги бутун меҳнат бозорига таъсир этяпти. Жумладан уй-жой коммунал тизимида, қурилишда ва бошқа соҳаларда сезиляпти. Лекин шунга қарамай, ҳолатни инқироз даражасида деб баҳолаш керак эмас. Қишда шаҳарнинг мавсумий ишчи кучи етишмаслиги муаммосини ҳал этишни уддалашга шаҳар раҳбариятининг ишончи комил, деб хабар беради Российская газета.