Сирли Кушон қабиласи юнонлар маданиятини, эронийларнинг тилини ва буддавийлар эътиқодини ўзлаштирган эди.
Улар дунё саҳнини тарк этиб, ўзидан кўплаб сирларни қолдирди.
Шўрчи туманидаги Далварзинтепа ёдгорлиги харобалари Кушонлар давлатининг биринчи пойтахти ҳисобланади.
Ўтмишда йирик империялардан бири бўлган бу давлатга қандай асос солинган? Ўз замонида бу салтанатнинг дунё миқёсида ўрни қандай бўлган?
“Кўланка подшолик” дея ном олган Кушон тамаддуни қандай таназзулга учраган?
Бу ҳақда ҳамон олимлар ўртасида баҳс давом этиб келмоқда.
Қадим Суғдиёна ҳудудидан топилган пул бирликлари орасида Кушонлар даврига оид тангалар жуда кўп.
“Шоҳлар шоҳи” ва “Буюк нажоткор” деб аталган Канишка давридаги танга намуналари II асрга оид.
Ундан кейин ҳам Суғдиёна ҳудудида рим тангалари ва бошқа тамаддун пул бирликлари топилган.
