Кембриж университети олимлари сунъий интеллект асосида об-ҳавони башорат қилиш учун Aardvark Weather тизимини ишлаб чиқди, деб ёзади The Guardian.
Одатда об-ҳавони башорат қилиш тизимларини яратиш учун тадқиқотчиларнинг катта гуруҳларидан кўп йиллик меҳнат талаб этилади ва башоратлар мураккаб босқичлар тўплами орқали ишлаб чиқарилади, уларнинг ҳар бири махсус суперкомпьютерларда бажарилиши бир неча соат давом этади, бу эса уларни ишлаб чиқиш, қўллаб-қувватлаш ва жойлаштириш учун катта мутахассислар гуруҳларини талаб қилади.
Aardvark Weather бутун дунё бўйлаб метеостанциялар, сунъий йўлдошлар, метеорологик аэростатлар, кемалар ва самолётлардан олинган маълумотлар бўйича сунъий интеллектни ўргатиш орқали бутун жараённи ўзгартириш режасини таклиф қилмоқда, шу тарзда унда башоратлар қилиш имконияти юзага келади.
Тизим Huawei, Google ва Microsoft томонидан олиб борилган сўнгги тадқиқотларга асосланади.
Олимларнинг таъкидлашича, вақт ўтиши билан модел ҳозирги беш кунлик башоратлар ўрнига саккиз кунлик аниқ башоратларни ҳамда гиперлокаллаштирилган башоратларни тақдим эта олади. Бундан ташқари, у табиий ҳодисаларни – ҳаво сифати, океан динамикаси, денгиз музлари ва бўронлар, ўрмон ёнғинлари, торнадолар каби табиий офатларни яхшироқ башорат қилишга ёрдам беради, деб хабар беради korrespondent.net.
