“Янги Ўзбекистонда эркин ва фаровон яшайлик!” шиори остида ўтказилган тадбирда вилоят ҳокими ўринбосари, делегация раҳбари Ж.Тўраев ва Ўзбекистон Республикасининг Новосибирск шаҳридаги бош консули Т.Раҳмоновлар ватандошларни тарихий сана билан табриклаб, Янги Ўзбекистонда юз бераётган ўзгаришлар ҳақида атрофлича маълумот берди.
Сурхондарёлик эстрада хонандаси Ваҳоб Нортожиев ҳамда Бахтиёр бахши Артиқовлар ижросидаги истиқлолнинг 30 йиллигига бағишланган байрам дастури намойиш этилди. Хорижда меҳнат қилаётган юртдошларимиз очиқ осмон остида дилбар куй-қўшиқларни тинглаб, рақсга тушди.
Тадбир доирасида ватандошларнинг мурожаатлари тингланиб, уларни ҳал этиш чоралари кўрилди.