Эртамиз эгалари ўзларининг қизиқишлари бўйича ҳар томонлама қўллаб-қувватлаб келинмоқда. Хусусан, жойларда янги авлод вакиллари билан мунтазам учрашувлар ўтказилаётгани бунга ёрқин мисолдир.

Навбатдаги ана шундай тадбир Давлатобод туманининг «Тадбиркор» маҳалласида уюштирилди.

Мазкур МФЙдаги ҳоким ёрдамчиси Сардоржон Раҳмонов ҳудуд ёшлари билан самимий суҳбатлашди. Фаол йигит-қизларнинг бир гуруҳини рағбатлантириб, китоб ҳамда эсдалик совғалари топширди. Очиқ мулоқотда савол-жавоблар бўлди, таклиф ва мулоҳазалар тингланди.