Тадбир доирасида «Аnor Atelier» модалар уйи миллий брендини намойиш этувчи ўзбекистонлик дизайнер Дилноза Умрзоқова билан видеоконференция тарзида мулоқот ҳам ташкил этилди. Онлайн-мулоқотда ёш дизайнерлар ўзларини қизиқтирган саволларга жавоб олди, деб хабар беради «Дунё» АА.
Анжуман иштирокчилари юртимизда тайёрланган ипак матолари сифати ва бежиримлигига юқори баҳо берди ҳамда ўзлари учун ҳам шундай кўркам либослар тиктириш истаги туғилганини маълум қилди. Маҳаллий ёшлар келгусидаги ўз лойиҳаларида ўзбек ипагидан кенг фойдаланиш иштиёқи пайдо бўлганлигини, шунингдек, улар мода кўргазмаларида, албатта, ўзбек матоларидан либос тайёрлашни мақсад қилганлигини таъкидладилар.