Йиғилишда белгиланган вазифалар ижросини таъминлаш мақсадида жорий йилнинг 23-27-ноябр кунлари университет ҳузуридаги Юридик кадрларни халқаро стандартлар бўйича профессионал ўқитиш маркази томонидан интеллектуал мулк ҳуқуқи бўйича қисқа муддатли ўқув курслар ташкил этилмоқда.

Дастлабки машғулотларга давлат ва хўжалик бошқаруви органларининг 100 нафарга яқин мутахассиси жалб этилади.

Масофавий тарзда ўтказиладиган дарсларни интеллектуал мулк соҳаси бўйича юқори малакали мутахассислар олиб боради. Машғулотлар давомида тингловчилар интеллекуал мулк ҳуқуқининг долзарб масалалари бўйича билим ва кўникмаларини мустаҳкамлаш имкониятига эга бўлади.

Якунда курс битирувчиларига махсус сертификатлар топширилади.

Тошкент давлат юридик университети

Жамоатчилик ва ОAВ билан алоқалар бўлими