Янги зеландиялик Девид Странг 1890 йилда эрийдиган кофени ихтиро қилади ва патентлайди. Аммо, 1901 йилда Чикагода келиб чиқиши япониялик бўлган америкалик кимёгар Сатори Като ҳам ўзининг тезкор чой ишлаб чиқариш усулини асос қилиб олиб, кофе доналаридан кукун тайёрлаш технологиясини ихтиро қилади.

1906 йилда инглиз кимёгари Жорж Констант Вашингтон тез эрийдиган қаҳвани ишлаб чиқариш технологиясини яратади ва «Ред Э Cоффеэ» савдо белгиси остида тижорат мақсадида ишлаб чиқарилган биринчи тезкор кофени чиқаради. Биринчи жаҳон уруши даврида айнан шу қаҳва америкалик аскарларнинг қуруқ рационига киритилган ва аскарлар тез тайёрланувчи қаҳванинг биринчи оммалаштирувчиси бўлишган. Улар урушдан сўнг ҳам оилалари ва танишлари орасида кофе ичиш одатини ёйишган.

Бироқ, Жорж Вашингтоннинг эрийдиган қаҳвасининг сифати анча паст эди — аскарлар ичимликни асосан тетиклантирувчи таъсири учун қадрлашарди ва кўпинча уни шунчаки қуруқ ҳолда чайнашар ёки совуқ сув билан суюлтириб ичишарди.

1930 йилларда швейтсариялик кимёгар, «Нестле» компанияси ходими Макс Моргенталер кофе доналарининг барча хусусиятларини сақлаб қолган ва узоқ муддатли сақлашга мўлжалланган «кофе кубик»ларни яратади. Уни ичиш учун иссиқ сув қўшиш кифоя эди.

1938 йил 24 июлда конвейердан тез эрийдиган қаҳванинг биринчи намуналари чиқади. Ва тез орада «Несcафе» машҳур брендга айланади.

Бренднинг лотин номлари бугунги кунгача барчага таниқли бўлиб қолмоқда, деб маълум қилмоқда Интеллектуал мулк агентлиги ахборот хизмати.