Бу ҳақда марказнинг биологик ва технологик назорат бўлими лаборатория мудири Светлана Усова маълум қилди.

Унинг тушунтиришича, ҳозирги вақтда синовдан ўтаётган вакцина икки қисмдан иборат бўлиб, улардан биринчиси билан бемор шифохонага ётқизилиши билан эмланади. Самарасини кучайтириш мақсадида иккинчиси билан эса, 21 кун ўтгач, эмланади. Ҳозирча тўрт нафар бемор эмланишнинг иккала босқичидан ҳам ўтган. Уларнинг барчаси ўзларини яхши ҳис этяпти, ҳеч қанақанги асоратлар кузатилмаган.

С.Усованинг таъкидлашича, беморларда кўнгилсиз ҳолатлар юзага келмаган, уларнинг марказий нерв тизимида ёки юрак-қон томир тизимида ҳам биз мураккаблик кузатмадик. Тана ҳарорати ҳам кўтарилмаган. Аниқроқ қилиб айтсак, умумий ва маҳаллий реакцияларнинг ривожланиши кузатилмаган.

Лекин шунга қарамай у иммуногенлик ҳақида ҳали фикр билдиришга эрта эканлигига эътибор қаратди. Чунки ҳали бор-йўғи тўрт нафар кўнгилли синовдан тўлиқ ўтган. «Вектор» марказининг коронавирусга қарши вакциналари синовида жами 18 ёшдан 60 ёшгача бўлган 100 киши иштирок этяпти, деб хабар беради Российская газета.