Жанубий Кореянинг Пучон Университети ва Ульсан Университет Коллежи билан халқаро қўшма таълим лойиҳаларида таҳсил олган Техникумнинг илк қалдирғочлари бўлган 95 нафар битирувчиларига давлат намунасидаги биринчи дипломлар топширилди.
Малака имтиҳонларини муваффақиятли топширган ўқувчилар, келгусида ўқиган мутахассислиги бўйича Жанубий Кореядаги юқорида кўрсатилган Университетларда 3 курсдан ўқишни давом эттириш ҳуқуқига эга бўлдилар.
Эндиликда ушбу Техникумнинг Жанубий Кореянинг Пучон Университети ёки Улсан Университет Коллежида ўқишни давом эттирган ўқувчиларига ўқишни тугатганларидан сўнг, таълим йўналишлари бўйича бакалавр дипломи берилади.
Маълумот ўрнида, бугунги кунда Техникумда жами 500 нафар ўқувчилар таълим олмоқда, улардан 209 нафари “2+2” қўшма дастурларининг ўқувчиларидир.
