Шуни алоҳида таъкидлаш керакки, ушбу ҳужжат кенг ва кўп қиррали ихтисосликдаги мутахассисларни, яъни дастурчидан бошлаб маълумотларни қайта ишлаш маркази (МҚИМ) бошқарувчиларни тайёрлашга мўлжалланган. Шунингдек, меморандум асосида яхши натижаларга эга бўлган талабаларни малака оширишларини таъминлаш ва таълим олиш босқичида ҳам меҳнат шартномалари тузиш кўзда тутилган.

Бундан ташқари, UZINFOCOM ​ходимларини Университетда ташкил этиладиган жаҳон миқёсидаги ахборот технологиялари соҳасидаги мутахассисларнинг маҳорат дарслари ва тақдимотларида иштирок этишлари, малака оширишларини таъминлаш ҳам режалаштирилган.

Амити ​университети Ҳиндистонда IT​ соҳасидаги йирик олий таълим муассасаларидан бири ҳисобланади. Тошкентдаги Амитй университети дастури асосий тўрт йўналиш бўйича мутахассисларга таълим беришга мўлжалланган: Engineering (Computer science and Engineering), Arts (Economics), Technical (IT) va Management (MBA).​

Давлат ахборот тизимларини яратиш ва қўллаб-қувватлаш бўйича UZINFOCOM ​Ягона интегратори 2002 йилда ташкил қилинган. Электрон ҳукумат маркази оператори ҳисобланиб, Ягона интерактив давлат хизматлари порталини (ЯИДХП) юритади ва кўплаб ҳукумат веб-сайтларини қўллаб-қувватлайди.