Унга кўра, Тошкент вилояти Нурафшон шаҳар «Янгиобод» МФЙ «Nurafshon biznes city» ҳудудидаги 22,28 гектар ер майдони «Янги Ўзбекистон боғи» қурилиши учун бош режага асосан Тошкент вилояти ҳокимлиги ҳузуридаги «Бизнес марказларни қуриш дирекцияси» давлат унитар корхонасига доимий фойдаланиш ҳуқуқи билан ажратиб берилади.
Буюртмачи Тошкент вилояти ҳокимлиги ҳузуридаги «Бизнес марказларни қуриш дирекцияси» ДУКга
- Давлат хизматлари маркази орқали архитектура режалаштириш топшириғи ишлаб чиқиш учун буюртмалар беради ҳамда лойиҳа-смета ҳужжатлари тайёрлаш учун лицензияга эга лойиҳа ташкилоти билан ўрнатилган тартибда шартнома тузади;
- лойиҳалаш учун ер ости муҳандислик иншоотларининг ижро сурати туширилган 1:500 нисбатдаги топографик харита ва геологик хулоса ишлаб чиқиш учун лицензияга эга корхонасига буюртма беради;
- Давлат архитектура ва қурилиш назорати инспекциясига хабарнома юборади.
Шунингдек, унга мазкур ҳудудда жойлашган мухандислик тармоқларини кўчириш ёки муҳофаза ҳудудини сақлаб қолиш ишлари ўз маблағлари ҳисобидан амалга оширилиши инобатга олиш вазифалари юклатилган.
Қарор билан вилоят қурилиш бош бошқармасига қурилиш лойиҳа ҳужжатарини белгиланган тартибда расмийлаштирилишига амалий ёрдам бериш вазифаси юклатилган.
