Ярлунг-Цангпо дарёсининг кескин бурилишида жойлашган лойиҳа Хитойнинг энг катта амбицияга эга ва баҳсли инфратузилма лойиҳаларидан бири ҳисобланади. Қурилиш июль ойида бошланган. Қурилиш ғояси ўнлаб йиллар давомида муҳокама қилинган, аммо ҳудудга боришнинг қийинлиги ва қийин табиий шароитлари туфайли узоқ вақт тўхтаб қолган эди.
Умумий инвестиция тахминан 167 миллиард долларга баҳоланмоқда. Қуриб битказилгандан сўнг, гидроэлектростанция йилига 300 миллиард кВт/соатгача энергия ишлаб чиқариши кутилмоқда. Таққослаш учун, Хитойнинг энг йирик гидроэлектростанцияси бўлган “Уч дара” тўғони йилига тахминан 90-100 миллиард кВт/соат электр энергияси ишлаб чиқаради.
Мутахассислар лойиҳани “дунёдаги энг мураккаб ва инновацион тўғон тизими” деб аташмоқда, аммо лойиҳа тафсилотлари сирлигича қолмоқда. CNN маълумотларига кўра, тизим тахминан 150 километр узунликдаги тўғри чизиқ бўйлаб чўзилиши ва туннеллар орқали боғланган бир нечта тўғонлар, сув омборлари ва ер ости гидроэлектростанцияларини ўз ичига олиши мумкин, деб хабар берди mn.ru.
