Бу ҳақда Чиқиндиларни бошқариш ва циркуляр иқтисодиётни ривожлантириш агентлиги маълум қилди.
Қайд этилишича, Тошкент шаҳри Чилонзор туманида жойлашган 16-сон шаҳар касалхонасидаги қурилиш-монтаж ишлари якунланиб, инсинератор ускуналари олиб келинди ва илк завод ўз ишини бошлади.
Ҳозирда ушбу заводда кунига 3 тонна миқдоридаги тиббиёт чиқиндиси ёқилиб, бартараф этилмоқда. Завод кунига 20 соатда 6 тонна чиқинди ёқиш қувватига эга.
Таъкидлаш жоизки, бу каби тиббиёт чиқиндиларини самарали утилизация қилишга мўлжалланган навбатдаги заводларнинг қурилиши Тошкент шаҳри Олмазор туманидаги Тошкент Тиббиёт академиясининг 2-клиникаси (ТошМИ) ҳамда Тошкент туманидаги Тошкент Педиатрия тиббиёт институти (СамПИ) тиббиёт муассасаларида қизғин давом этмоқда.
