Вақтингизни давлат ташкилотларига бориш, навбатда туриш ёки қоғоз ҳужжатларни тўлдиришга сарфламанг. Рақамли ҳукумат Сиз учун давлат хизматларидан фойдаланишни имкон қадар содда ва қулай қилмоқда.

Осонгина ариза йўллаш ва гувоҳномани масофадан олиш учун my.gov.uz дан фойдаланинг.

Бунинг учун сиздан ҳеч қандай ҳужжат талаб этилмайди.

Бундан ташқари, my.gov.uz орқали ариза ҳолатини кузатиш имконияти ҳам бор. Натижада сиз жараёндан доимий хабардор бўлиб турасиз.

1 иш кунида тақдим этиладиган туғилганлик ҳақидаги гувоҳномани эса ўзингиз учун қулай вақтда почта орқали олсангиз бўлади.

Маълумот учун: ушбу давлат хизматидан ота-она энди дунёга келган гўдаклари учун илк бор гувоҳнома олишда фойдаланишлари мумкин.

Бошқа ҳолатлар учун my.gov.uz да туғилганлик ҳақида такрорий гувоҳнома олишга ариза бериш хизмати мавжуд!