Хабар берганимиздек, бугун бўлиб ўтган беллашувларда Никита Рафалович -80 кг вазн тоифасида олтин медални қўлга киритган эди. Ушбу вазнда баҳс олиб борган Шуҳрат Салаев, шунингдек, Шоҳсанам Аъзамова (-46 кг) ҳамда Мадинабону Маннопова (-49 кг) бронза медали билан тақдирланишди.
Эътиборли жиҳати, жорий мусобақада финалгача борган 3 нафар таэквондочимиз ҳал қилувчи жангларни ҳам муваффақиятли якунлашди. Шу тариқа жамоамиз ўзи иштирок этган йилнинг илк мусобақасида 3 та олтин ва 5 та бронза, жами 8 та медалга сазовор бўлди.
“Turkish Open” ғолиб ва совриндорлари:
Олтин – Улуғбек Рашитов
Олтин – Нигора Турсунқулова
Олтин – Никита Рафалович
Бронза – Чарос Қаюмова
Бронза – Шоҳруҳ Ражабов
Бронза – Мадинабону Маннопова
Бронза – Шоҳсанам Аъзамова
Бронза – Шуҳрат Салаев
Терма жамоамиз эртага 19:00 да Тошкентга қайтиб келади.
