2022 йилнинг 11 январь куни Ўзбекистон Республикаси Ташқи ишлар вазири Абдулазиз Комилов видеоконференсалоқа шаклида Туркий давлатлар ташкилоти Ташқи ишлар вазирлари кенгашининг навбатдан ташқари йиғилишида иштирок этди.
Озарбайжон, Қирғизистон, Қозоғистон, Туркия, Ўзбекистон, Венгрия ва Туркманистон ташқи ишлар вазирликлари раҳбарлари Қозоғистондаги мавжуд вазиятни муҳокама қилдилар.
Ташкилот аъзоларининг Қозоғистон халқи ва раҳбариятини қатъий қўллаб-қувватлаши ва бирдамлиги таъкидланди. Тез орада мамлакатда тинчлик ва барқарорлик ўрнатилишига ишонч билдирилди.
Йиғилиш якунлари бўйича Қўшма баёнот қабул қилинди.
Ўзбекистоннинг янги тайинланган элчиси Равшанбек Алимов Туркманистон ташқи ишлар вазири Рашид Мередовга ишонч ёрлиқлари нусхаларини топширди, деб хабар бермоқда "Дунё" АА.
Ўзбекистон ташқи ишлар вазири Бахтиёр Саидов кеча Афғонистон дипломатик ваколатхонасининг янги раҳбари Абдул Ғаффор Теравийни қабул қилди, деб хабар қилмоқда Дунё АА.
